علي انغام صفير رياح الشتاء الباردة التي تنتشر وتنشر في جسدك الشعور الجميل بالمكان والزمان
استوقفني صوت استريو واغنية رائعة جدا للرائع محمود عبد العزيز واجمل ما فيها الكلمات
اصبحت هذه الكلمات مرتبطة بزهني بحلة ورى وكلما اسمعها اتزكر ذلك الجو الجميل وصوت الاستريو من بقالة ((اللبو))
وصوت حاج سيف يقطع حبل افكارك وهو يصيح داخل النادي (( الكرتة دي مكشوفة يا حمار))
انها حلة وري ......واليكم كلمات الاغنية الرائعة
منك طلع خوف الوجع سيبك بلاش ما تبقي خوف
أبقي الصمود ما تبقي زيف أبقي احتمال نبض الحروف
ما تبقي خوف
منك بدت خطوات مسير عمري المعطر بغناي
فرح السنين أعتزا بيك شالني انتفال و نبيل هواك
تفقد بحر بين الخريف زخات تهش منك سنة
يا ضحكة في الزمن الوجيه عمري البريدك في رجاك
ما تبقي خوف
أبقي المباهج و الضريح خلينا في ضل نستريح
نعبر مدن أعمق خيال نتغنى بالهج الصريح
السمحة جايا و مافي خوف الجايا من كل الظروف
مرسومة في لوحة جمال مرتاحة في قلبي الجريح
ما تبقي خوف
أنسي احتمال طولت مجيك عاودينا في أجمل فجر
يا القادلة في توب العفاف بهيبة خايلة عليك تجر
راجين عيونك لو تبين يا روعة مشوارك عصر
بالهفة نفرح و بيك نقيف لمن خيال طيفك يمر
ما تبقي خوف أبقي الصمود
ما تبقي خوف
موضوع: استراحة في حلة ورى 
الخميس ديسمبر 20, 2007 6:18 pm
