الظواهر السلبية في مجتمعنا

تسلم يا سيدي علي الموضوع
انا داير اقول انو الغالبيه العظمي من ناس ام ضوابان عارفين الموضوع دا
الا الكل يتجاهل هذا الموضوع ولا يذكره او يعمل رايح بالبلدي
والله انا الموضوع مؤثرني جدا
الا بقيت واحد من الالاف الذين يعرفون ويعملو رايحين
لانو في مجتمعنا البعمل انو داير يصلح بعاينو ليهو علي انو ما عندو موضوع وزول فايق شديد
حتي بقينا ما عارفين نعمل شنو
شايفين مئات الاخطاء وحتي لا يقال عنا ..... بقينا نسكت
وتعمل فيها مشغول بي حاجات سخيفه جدا

بارك الله فيك اخونا ودالشيخ بس الحل يكون شنو

يا امين انت مش وحدك العارف وساكت اعتقد انو في شخصيات كبير وعلى مستو عارفة لكن برضو ساكتة واسال بتعرف
لية عمر العبيد تم نقلو من القسم لانو كان صادق في عملوواسال كم شرطي في فترتو الاشتغلا اتفصل من العمل وفيهم عساكر اتفصلو باسباب بنقو
يعني السادة الكرام رجالات امضوابان شغالين ضد مصلحت امضوابان اسال نفسك لوكان عمر الى الان مستمر هل كان هناك حيقون في قندول بنقو في البلد

اخونا ود الشيخ
الموضوع جيد :
لكن الاولاد ديل لو ما الظروف جبرتم ما كانو بيشتغلو عشان يوفرو لاهلهم لقمه العيش
انا بعرف انو في عده ناس (فاعلين خير ) يقومو بشراء الكوارو للايتام لكي يساعدو في كفاله هذه الاسر :
انا بشوف انو فاعل الخير دا ما قصر جدا
الا بس مقصرين ناس الرعايه الاجتماعيه تبع الحكومة
بس ان بختلف معاك في انو اباء هؤلاء الاولاد هم المسؤلون عن هذا ؟
لانو الظروف ضاغطه علي هذه الاسر حتي تقوم باخراج احد اولادها لكي يشيل باقي افراد الاسره
وكتير منهم بالصباح يمشو المدرسه وبالمسا بيشتغلو في السوق

التعليم اصبح مصدر دخل للحكومة ياود الشيخ
والعوامل الاقتصادية واسباب كثيرة جعلت هئولا الصبية في المكان الخاطئ

شكرا يا شباكات
انا بشوف انو الحكومه ما قاعده تسوي اي حاجه نافعه بل بالعكس غير الضرر ما بعرفو لي حاجه تانيه
هسا انتو عارفين انو العيش زاد بقي اربعه عيشات بي الف ولا ما عارفين يا ناس برا

لا حياة لمن تنادي يا دكتور
اين الحل...... ؟
اين الحل...... ؟
اين الحل...... ؟
اين الحل...... ؟
يادكتور انتا عارف انو من المفترض انو الناس تحاول تشوف ليها حلول او مقترحات حلول وربنا يوفق انشالله

محمد بشير كتب:

المشكلة يا عزيزي ليست في الكوارو وزحمتها

فهذة يمكن معالجتها بقرارات ادارية
المشكلة الحقيقية هي في الفاقد التربوي والتعليمي
كل هؤلا الاطفال والمراهقين كان يمكن ان يكون لهم مستقبل
اعرف بعضهم ...
قبل 4 سنوات
احدهم كان اول فصله ذو عقلية متميزة واقسم انه كان بأمكانه الدخول الى
الطب او الهندسة او الصيدلة اوالكلية التي يرغبها
علمت انه ترك المدرسة لعدم تمكنه من دفع رسوم امتحان الشهادة
40.000 جنيه
والنتيجة...
زاد عدد الكوارو واحد
هؤلا الشباب بأحباطاطهم و يأسهم
هم عرضة للانجراف للمخدرات والسكر و

اصلاح التعليم هو الحل
التكافل الاجتماعي هو الحل

اويد كلام عتيق واقترح عمل صندوق لدعم تعليم الاساس فقط كبداية (لكي نمنع الفاقد التربوي ) ومن ثم لو نجحت الفكرة تعمم ومن رايي ان تكون الفكرة شبابية بحتة ولي عودة في هذا الشان

نعم اخى الكريم هذة فكرة جميلة واجرها عظيم عند اللة كل ابناء ام ضوابان بالدوحة فى خندق واحد مع هذة الفكرة

يا سلام عليك يا محمد والله جد حاجه تفرح جدا فهلم الي حل جميع المشاكل ونحن بكل ما فينا من خير ان وجد نقف معكم بالفعل لا بالقول الي الامام
وعين الله ترعاكم وأرجو ان تسرع في عمل الصندوق وايد علي إيد تجدع بعيد

يا نيلز .. سلامات
موضوع (البنقو) هو المهم ياريت لو إتفقنا كلنا نحن في المنتدي وهذه دعوة لعمل الخير بأن نكون منتدي ميداني لمحاربة الظواهر السالبة ولابد أن يكون شغلنا دا لوجه الله تعالي وفي سرية تامة .

قبل أكثر من ثلاثة سنوات عدت من عمل كنت أعمل به سابقاً (الإستخبارات العسكرية) في شرق السودان وكان ذلك في فصل الخريف ما بين العصر والمغرب والجو كااااارب مررت بالترس بداية من خلف بيتنا وحتى مدخل السعيداب للأسف الشديد وجدت (2) من الشباب والذين لم يتجاوز عمرهما الثمانية عشر عاماً وبيدهما سجارة بنقو، لما شافوني دسوها، وقد طلبت منهما بأنني زول مزااااج وعاوز لي سجارة .. للأسف الشديد طلعو لي من جيوبهم كمية كبيرة ومعها الورق وعلبة البرنجي، أخرجت الطبنجة من جيبي وخافو مني شديد .
تخليو أنني قلت ليهم بأنني بوديكم القسم للأسف قبلو ذلك ودون أي تردد، لكن قلت ليهم أنا ما بوديكم القسم أنا أي واحد بمشي معاه وأسلمو لأهله، تخليو أنهم رفضو وقالوا لي أي شئ عاوزو نحن بنعملو ليك إلا ما تودينا لي أهلنا وقد إستلمت منهم البنقو كاملاً بما فيه السجارتين الجاهزتين وما زالت هذه المعروضات بحوزة أخي معز في أم ضواًبان .. للأسف الشديد من أبناء المنطقة الأصليين وبشترو من زول معروف في الحلة وكل الشباب الصغار بشترو منو يالله يا شباب نحن منتظرين حلول ناجعة ما كلام ونسات