وين بنوت الحلة العامرة

زول فعال المساهمات : 120 تاريخ التسجيل : 11/12/2007

ياشباب انتو ماملاحظين حاجة المنتدى فيهو 33 عضو .... ربنا يزيدم لكن ولا بت واحدة معاهم ياربي الحاصل شنو البنات ديل مكجنات الحلة ولا شنو ؟ ولا كلهن مربطات ماعايزين يعرفوا زيادة ... يعني مامكن يكون المنتدى يكون كلوا عزابة كدة ياريت يشاركوا ان شاء بي اسماء مستعارة ولا شنو
هوى اوع تقولو ا الزول دة عمل المنتدى عشان ...................!!! اوع يامنير والله ماقاصد اي حاجة

زول نشيط المساهمات : 78 تاريخ التسجيل : 11/12/2007

هلا بي مديرنا و الله فعلا مافي اي بت شاركت .................. لكن من عادة بناتنا قليلات المشاركه في اي عمل عام الا ما ندر و اذا في مجموعة من المشاركات يمكن عشان معرفتهم بسيطة بالتعامل مع النت و الكمبيوتر
...........................
تخريمة
منير مالو معاك يالليبي بهرشك ولا شنو .........و بعدين الزول دا كتب موضوع ليه ماعلقته عليه ممتنع عن التصويت ولا شنو
.....................
تحياتي

زول فعال المساهمات : 120 تاريخ التسجيل : 11/12/2007

الزول دة انت مابتعرفوا قاصدني عديل بي موضوعو دة لكن انا الحمد لله جمل شيل .............

هو اصلا ما اظن انو في نت عارفا انو في منتدي بتاع ناس ام ضوابان
وبرضو كتير من الشباب ما عارفين بي الموضوع دا فلابد الناس تحاول تنشر الموقع دا ولازم اي واحد في ام ضوابان يعرف انو في منتدي حقنا نحنا

زول فعال المساهمات : 120 تاريخ التسجيل : 11/12/2007

حاضر ياباشمهندس جاري البحث عن ......................

المساهمات : 24 تاريخ التسجيل : 07/01/2008

والله فعلاً دي المشكلة إنو بنات امضواًبان ما بشاركن في اي عمل جماعي
والمصيبة الكبرى ما فاضيات من الكريمات والجكس والحفلات والحاجات الزي دي
وما اعتقد إنه في بت من امضواًبان بتعرف كلمة منتدى اصلاً
والله انا اتحداكم واحد منكم يلف في الحلة ويسأل بنات الحلة لو لقى واحدي بس بتعرف يعني شنو كلمة منتدى
وانا عندي زبون هنا في الطائف من العسيلات بتعرف المنتديات لكن مشكلتها
ما بتكتب مواضيع بتقراء بس
...................شوفو الحالة كيف

زول فعال المساهمات : 120 تاريخ التسجيل : 11/12/2007

لا ..لا ياودالشيخ ماتظلم اخواتنا وخالاتنا وعماتنا واماتنا كمان .... ياخي في نساء محضرات دكتورة من ام ضوابان ماتعمم .... امكن تقول اغلبهم لكن ما كلهم احرص على عدم التعميم وبعدين نحنا نحاول نستفز روح المشاركة فيهن ..مش ننفرن من اسي وبعد مايشاركن بيكون ليهم الحق في الاخد والرد
مع شكرى

ما للدرجه دي كمان يا ود الشيخ بس كتير منهم ما بخشو النت الا لبحث شيء معين
في الشبكه
يعني غالبيتهم ما بخشو طوالي
لانو النت ما موجود الا في الاسواق موش في الجامعات ولا في البيوت
كدا فهمتا قصدي
إلا بس وين باقي الشباب
برضو لنفس المشكله
وبعدين ضيق ذات اليد برضو مشكله تانيه بتخلي الناس ما يخشو النت

زول فعال المساهمات : 120 تاريخ التسجيل : 11/12/2007

غايتو من خلال بحثنا عن العضوية لقينا بنية وااااااااحدة (الله ورقبتا) لكن نهائي ماشاركت .. اها عايزين واحد محناكاتى قدير يشوف لينا حنكها شنو ؟؟؟؟؟ اها دايرين نعمل ترشيحات .... انا غايتو برشح البادرابي !!!!!

ياجماعة البنات ديل يمكن بخجلن لكن انا متأكد لو اديناهن حبة ثقة شوية ممكن يشاركوا وبكثرة
وانا ملاحظ انوفي المنتدى 35 عضو فيهم 10 أعضاء لم تسبق لهم زيارة المنتدى ابدا ومن هنا ادعوهم لزيارة المنتدى والمساهمة

المساهمات : 3 تاريخ التسجيل : 28/01/2008

Admin كتب:: غايتو من خلال بحثنا عن العضوية لقينا بنية وااااااااحدة (الله ورقبتا) لكن نهائي ماشاركت .. اها عايزين واحد محناكاتى قدير يشوف لينا حنكها شنو ؟؟؟؟؟ اها دايرين نعمل ترشيحات .... انا غايتو برشح البادرابي !!!!!

يا اخوي البادرابي ...................... اليشخ ولا البادرابي منو

انا بقول خلوها علي راحتها يمكن سجلت ساكت
ويمكن ما دايرا تشارك
والا كيف

والله دة اصلا طبع بنات ام ضوابان لابجدعن لابيجيبن الحجار (قولي انفعلي انجري لا تقفي مثل المسمار )
وتقبلوا المرور

المساهمات : 17 تاريخ التسجيل : 05/01/2008 العمر : 46

لا تظلموهن فعدم توفر خدمة الإنترنت الا في الأسواق والأماكن العامة ومحدودية مراكز خدمة الأنترنت في المنطقة كلها أسباب ساهمت في عدم مشاركة اخواتنا ومن المعروف انهن لا يذهبن الي تلك المواقع لوحدهن ولكن إذا توفرت خدمة النت بالمنازل فأنا أراهن علي مشاركتهن والتغلب علينا نحن الذكور

ولا رأيكم شنو؟

انا اوافق الراي يا كرار الا في بنات كتار قاعدات يخشو النت في الجامعات
بس بكونو ما سمعو بالمنتدي دا
انحنا من واجبنا نعمل علي نشر الموقع علي العامه
في ناس كتار شغالين وفي مكاتبهمم في نت الا بس ما عارفين انو في حاجه زي دي

المساهمات : 4 تاريخ التسجيل : 23/02/2008

ود الشيخ كتب:: والله فعلاً دي المشكلة إنو بنات امضواًبان ما بشاركن في اي عمل جماعي
والمصيبة الكبرى ما فاضيات من الكريمات والجكس والحفلات والحاجات الزي دي
وما اعتقد إنه في بت من امضواًبان بتعرف كلمة منتدى اصلاً
والله انا اتحداكم واحد منكم يلف في الحلة ويسأل بنات الحلة لو لقى واحدي بس بتعرف يعني شنو كلمة منتدى
وانا عندي زبون هنا في الطائف من العسيلات بتعرف المنتديات لكن مشكلتها
ما بتكتب مواضيع بتقراء بس
...................شوفو الحالة كيف

والله ماكن العشم ربنا يسامحك وبعدين الاعلام بتاع المنتدى دة ضعيف جدا

زول فعال المساهمات : 120 تاريخ التسجيل : 11/12/2007

اولا الف مرحبتين يا اختنا ونرجوا انك ماتزعلي مكن ودالشيخ فهو من اهتماموا بي مشاركاتكم ...ليس الا

المساهمات : 41 تاريخ التسجيل : 23/02/2008 العمر : 45

اخي ود الشيخ
لك من كل التحية وللاسرة الكريمة
الانت ذكرتو دا ممكن يكون في ولكن في كمان بنات احسن من رجال . ممكن يكون مانعهم الحياء او توفر الخدمة وانا مع الاخت نهى في انو الاعلام ضعيف شديد جدا, اتمنى انكم تكثفو الاعلام بصوره كبيرة حتى ولو ماصق يكون في النوادي و الاسواق . يا حبذا لو تبرع احد بتحرير خطابات لبعض الشخصيات المهمة و الفعالة والتي من المتوقع ان تثري المنتدى بكل ماهو جميل وشيق حتي يجذب كل اهالي امضبان
تقبلو تحياتي
حاج علي

زول فعال المساهمات : 105 تاريخ التسجيل : 11/12/2007

مرة اخري ارحب بيك ياحاج علي واهنئك علي ارائك التي تدل علي شخصك الكريم
ودالشيخ شن حملة استفزازية قد يكون قصده حضهن علي المشاركة لا اكثر وزي مابيقولو اللوم بيجي بالغفلات
الاخت نهي (مع انو ما اتعرفنا عليها) لكي العتبي حتي ترضي انتي وبنات جنسك من اخواتنا وعمتنا واماتنا حريم ام ضوابان
طبعا لسه عزابه مابنقدر نقول بناتنا) ونتمني كلام اخوانا كرار يتحقق وفعلا لو لقن بنات حواء الامكانية ح يتحقق وكل المجالات تشهد بذلك واقرب مثل شوف خريجي ام ضوابان بنات كم واولاد كم؟؟؟؟؟؟؟

المساهمات : 41 تاريخ التسجيل : 23/02/2008 العمر : 45

السلام عليكم يا شباب
كلامكم علي العين و الراس بس ماتنسو انكم في بداية المشوار و اي شخصية بت او ولد او شاب او حتى اجدادنا نحن محتاجين ليهم في المنتدى دا فاتمنى انكم ما تبدو بالهجوم علي اي حد مهما كان وتاكدو انو اي حاجة انتو بتكتبوها حتظل ثابتة وكل العالم بيطلع عليها , عايزين نظهر للعالم و للشعب السوداني اننا اهل و احباب و عشيرة و فوق دا كلو فاهمين و متعلمين و مثقفين .
ارجو انكم تكونو فهمتوني صاااااااااح
مع خالص تحياتي

زول نشيط المساهمات : 62 تاريخ التسجيل : 11/12/2007

ود الشيخ كتب:: والله فعلاً دي المشكلة إنو بنات امضواًبان ما بشاركن في اي عمل جماعي
والمصيبة الكبرى ما فاضيات من الكريمات والجكس والحفلات والحاجات الزي دي
وما اعتقد إنه في بت من امضواًبان بتعرف كلمة منتدى اصلاً
والله انا اتحداكم واحد منكم يلف في الحلة ويسأل بنات الحلة لو لقى واحدي بس بتعرف يعني شنو كلمة منتدى
وانا عندي زبون هنا في الطائف من العسيلات بتعرف المنتديات لكن مشكلتها
ما بتكتب مواضيع بتقراء بس
...................شوفو الحالة كيف

,والله بالغتا ياود الشيخ لكن برضو ماتنس انو منهن المهندسة والمعلمة والدكتورة بس احتمال لسا المنتدي مااخد وكتو عشان الناس تعرف

لا شك أن المرأة هي كل المجتمع (هي نصف المجتمع ، وهي التي ترعى النصف الآخر). أين دوركم انتم في احياء الثقافة لابد ان تكون هنالك جدية في الطرح الفكري ولنسعى جميعا لكي تكون بناتنا في المستوى الذي يتيح لهن المشاركة الفاعلة. ياود الشيخ بناتنا بخير

زول فعال المساهمات : 105 تاريخ التسجيل : 11/12/2007

الله اكبر
شرفتنا قامات سامقة
الف مرحب بمقدمكم الكريم واول الغيث قطرة

زول فعال المساهمات : 105 تاريخ التسجيل : 11/12/2007

دكتورة مرحبتين حبابك
انرتي ساحات منتدانا بإسمكم الكريم وستنير اكثر بارشاداتكم ومساهماتكم

المساهمات : 6 تاريخ التسجيل : 03/04/2008

sallllllllllllam ya raigeen eza kan awladna lesa
3 be5jlo fa ma balak albanat okeda ya wad alshba[b][i][size=9]
3 albrnamej da badre shaded la banat oumdwmban lllolll[/b][/i][/size]