قصيدة السلسلة

الصالحين جملة يااهل السلسلة شى لله شى لله
*****
بسم الله جبت قول بالواحد المولى
المسلمين جملة فوق جاه الفاضل
ثن يالبيب على طه المفضلا
يوم الامة تتقلى لى حمولها يتولى
يوم وضع الطاهرا الكون نائرا
قال ابجهل ساحرا حاشاه أبو الزهراء
اصحابه العشرة صديق مع عمر
يا مرحب الامراء الستة البررة
ان قلت على وعثمان خالد اميرا بان
فى وادى السيسبان بى لوعوا الفرسان
يامرحب الفراس ابن الربيع العاص
اعمام خيار الناس قول حمزة والعباس
يامرحب السبطين سيدى الحسن وحسين
اولاد على البينين الطرقهم تحصين
يامرحب الجيلان الركن الباقى امان
من جور هذا الزمان بى طرقوا نتحصن
يامرحب الرفاع ياسادتى الوراع
البدوى طرقك شاع فحل الرجال اجمع
يامرحب الداسوق ياسيدى زروق
اسقونى كاس الذوق انا اضعف المخلوق
يالشازلى ابرايات العالى فى الدرجات
المكسى بالهيبات اليحضر فى الحضرات
يامرحب السمان الفى الشرق سكان
جنب روضة العدنان طرقك ملا الاكوان
يامرحب البادراب الكمل الانجاب
شيخ ودبدر يالكاب يامركز الطلاب
يامرحب الواصل الريح الكامل
شيخ يوسف المانجيل فى طيبة حمد النيل
يامرحب السلطان عند الله ليه الشان
يامنقذ الدركان مشهور بلاد خرسان
يامرحب الاستاذ حبرى العفيف احمد
الجعلى أبو العوض الاورث المدد
يامرحب الشامخ أبو لهجا موماسخ
الجعلى ابوك يالشيخ فى العلوم راسخ
يامرحب السراج اللقلوب عالاج
الجعلى ابوك يالحاج لى غيركم مابنحتاج
واقع ياسيد تميم جوه لود نعيم
ودخالتو يستقيم بى اخوانو كافة الليم
صلواتى والتسليم عد الاله ماعلم
من عبدكم نعيم للهادى أبوابراهيم