غرباء نحن فيها

سلامات انا بشوف انو التداخل مطلوب بشرط انو الناس تحافظ علي موروثاتها ومعتقداتها
بس بشوف انو البيع بتاع الاراضي للغرباء دا هو المشكله

يعني الناس ما تبيع ولا شنو يالليبي

الناس لما تبيع اراضيها فما اظن انه بعد كده عندها شئ بيقوي ارتباطها بالمنطقة وخصوصا الي بيبيع ورحل لكرش الفيل
الارض هي العرض ولا شنو يا اخوانا
ودالبركة نقرت اكتر وتر حساس وتر الانتماء والقيم والموروثات واللي هي بداءات تندثر في السودان عموما واصبح طابعنا التقليد الاعمي واصبحت الناس ماشي ع الموضه وانتشرت الفضائيات بخلائعها التي اصبحت مألوفة واندثر حتي الفن السوداني الاصيل وطلعوا ناس تامر حسني واخرين غيرو كفر الطرب بدل ناس الكاشف وودالامين ووردي وبقية اهل الطرب والغناء السوداني وانتشرت الموضة الغربية حتي في الملابس وبالمناسبة فيكم واحد شاف ولا بيعرف لبسه نسائية(خاصة بالشابات)اسمها عدم الوالي ودي ظهرت قبل 3شهور بس في الخرطوم وادوها تاني 3شهور بتبقي زي العباية عادييييييييييييييية لاي بني ادم
ونلتقي احبتي

شنو ياجماعة لمن نجي راجعين البلد مابنلقاكم ولا شنو

الحصل شنو ورونا